Sat Nov 16 2024 18:30:51 GMT+0000 (Coordinated Universal Time)
శ్రీవారిని దర్శించుకోనున్న అమరావతి రైతులు
శ్రీవారిని నేడు అమరావతి రైతులు దర్శించుకోనున్నారు. మహాపాదయాత్ర పూర్తి చేసుకున్న రైతులు దర్శనానికి టీటీడీ అనుమతిచ్చింది.
తిరుమల శ్రీవారిని నేడు అమరావతి రైతులు దర్శించుకోనున్నారు. మహాపాదయాత్ర పూర్తి చేసుకున్న రైతులు 500 మందికి ఒకేసారి దర్శనానికి టీటీడీ అనుమతిచ్చింది. 300 రూపాయల టిక్కెట్ దర్శనాన్ని వీరికి కేటాయించారు. ఈరోజు శ్రీవారి దర్శనం చేసుకుని అనంతరం తిరుపతికి అమరావతి రైతులు చేరుకుంటారు.
నలభై ఐదు రోజులు...
అమరావతిలోనే రాజధానిని కొనసాగించాలంటూ రైతులు నవంబరు 1వ తేదీన తుళ్లూరు నుంచి పాదయాత్ర ప్రారంభించారు. న్యాయస్థానం టు దేవస్థానం పేరిట సాగిన యాత్ర గుంటూరు, ప్రకాశం, నెల్లూరు, చిత్తూరు జిల్లాల మీదుగా సాగింది. దాదాపు నలభై ఐదు రోజుల పాటు ఈ పాదయాత్ర చేశారు. నేడు హైకోర్టులో తిరుపతి సభ పై తీర్పు రానుంది. తీర్పు అనుకూలంగా వస్తే 17వ తేదీన తిరుపతిలో రైతులు బహిరంగ సభను ఏర్పాటు చేయనున్నారు.
Next Story
