ధర్మం మీరే చెప్పాలి చిరంజీవి: అంబటి

మంత్రి గుడివాడ అమర్‌నాథ్ మాట్లాడుతూ.. సినిమాలను రాజకీయాల్లోకి తెచ్చింది ఎవరో చిరంజీవి చెప్పాలని ప్రశ్నించారు. ముందు తమ్ముడికి చెబితే బాగుంటుందని ఆయన అన్నారు. మంత్రి రాంబాబు క్యారెక్టర్ సృష్టించింది ఎవరు అని గుడివాడ అమర్‌నాథ్ ప్రశ్నించారు. ఆ పాత్ర రాంబాబుదేనని చెప్పే ధైర్యం కూడా లేదని అన్నారు.

పవన్ కళ్యాణ్ బ్రో సినిమాలో మంత్రి అంబటి రాంబాబును పోలిన పాత్రను చిత్రించడంపై వివాదం మొదలైంది. ఈ నేపథ్యంలో పవన్ సినిమా రెమ్యునరేషన్‌పై కేంద్ర దర్యాప్తు సంస్థలను ఇటీవల అంబటి ఫిర్యాదు చేశారు. ఇక ఇటీవల చిరంజీవి ఓ సినిమా ఫంక్షన్లో కొన్ని వ్యాఖ్యలు చేశారు. నటీనటుల రెమ్యునరేషన్ గురించి కాకుండా ప్రజలకు మంచి చేయడంపై ఆలోచించాలి అని అన్నారు. 'మీలాంటివాళ్లు ప్రత్యేక హోదా గురించి, రోడ్ల నిర్మాణం గురించి, ప్రాజెక్టులు, ఉద్యోగ- ఉపాధి అవకాశాల గురించి ఆలోచించాలి. పేదవారి కడుపు నింపే దిశగా ఆలోచించాలి. అలా చేస్తే అందరూ మీకు తలవంచి నమస్కరిస్తారు. అంతేగానీ, పిచ్చుక మీద బ్రహ్మాస్త్రం లాగా సినీ పరిశ్రమపై పడతారేంటి' అని చిరంజీవి వ్యాఖ్యలు చేశారు.