ఎదురుగా పోలీసులు ఉన్నా.. కంట్రోల్ చేసుకోలేకపోయిన మందుబాబులు

నల్లచెరువులోని డంపింగ్ యార్డులో రూ.50 లక్షల విలువైన 24,031 మద్యం బాటిళ్లను ధ్వంసం చేసేందుకు పోలీసులు ఏర్పాట్లు చేశారు. ఎస్పీ సతీష్ కుమార్ ఆధ్వర్యంలో పొక్లెయినర్ సహాయంతో సీసాలను పగలగొట్టడానికి ప్రయత్నించారు. అందుకు కాస్త సమయం పట్టింది. దీన్ని అవకాశంగా తీసుకున్న మందుబాబులు ఒక్కసారిగా గుంపులుగా అక్కడికి చేరుకున్నారు. మద్యం సీసాలను నేలపై పెట్టగానే గుంపులుగా వచ్చిన వ్యక్తులు చేతికందిన మద్యం సీసాలను పట్టుకుని పారిపోయారు. పోలీసులు ఆగండి.. ఆగండి అంటున్నా కూడా వినకుండా మందుబాబులు మద్యం సీసాలను పట్టుకుని పరిగెత్తారు.