అసెంబ్లీ సమావేశాలు ప్రారంభం .. ఆందోళనకు దిగిన టీడీపీ

ప్లకార్డులు పట్టుకుని రావద్దని స్పీకర్ టీడీపీ నేతలను హెచ్చరించారు. స్పీకర్ పోడియం వద్దకు చేరి టీడీపీ ఎమ్మెల్యేలు నినాదాలు చేస్తుండటంతో ప్రశ్నోత్తరాలు కొంత సేపు నిలిపేశారు. తాము అఅధికారంలోకి వచ్చిన తర్వాత రెండున్నర లక్షల ఉద్యోగాలను భర్తీ చేశామని శ్రీకాంత్ రెడ్డి తెలిపారు. మంత్రి జోగి రమేష్ మాట్లాడుతూ రాష్ట్రంలో రాజకీయ నిరుద్యోగం ఉంది తప్పించి, సాధారణ ఉద్యోగాలను భర్తీ చేశామని చెప్పారు. మంత్రి బుగ్గన రాజేంద్రనాధ్ రెడ్డి మాట్లాడుతూ ప్రశ్నోత్తరాల సమయంలో సభకు ఆటంకం కల్గించడమేంటని ప్రశ్నించారు. కరోనా సమయంలో ప్రశ్నోత్తరాలను తొలగిస్తే ఎందుకు తొలగించారని ప్రశ్నించిన టీడీపీ సభ్యులు ఇప్పుడు వాటిని అడ్డుకోవడమేంటని నిలదీశారు.