జనసేనాని పవన్ కళ్యాణ్ పై కేసు నమోదు

తెనాలి మారిస్‌పేటకు చెందని శివ అనే వ్యక్తి ఇచ్చిన ఫిర్యాదుతో పవన్‌ కళ్యాణ్, కారు డ్రైవర్‌పై పోలీసులు కేసు నమోదు చేశారు. పవన్ కళ్యాణ్ ఇటీవల ఇప్పటం గ్రామంలో పర్యటించారు. ఇప్పటం వచ్చే క్రమంలో పోలీసులు ఆయనను అడ్డుకున్నారు. కొద్దిదూరం కాలినడకన వచ్చిన పవన్, తర్వాత కారు టాప్ పై కూర్చుని, కాళ్లు చాపుకుని ప్రయాణించారు. పక్కనే మరికొందరు కూడా ఆయన్ను పట్టుకుని ఉన్న వీడియో సామాజిక మాధ్యమాల్లో వైరల్ కూడా అయింది.