Chandrababu : తిరుమలపై చంద్రబాబు కీలక నిర్ణయం

ప్రక్షాళన వందశాతం జరగాల్సిందేనన్న చంద్రబాబు నాయుడుఏ స్ధాయిలోనూ మినహాయింపులు లేవని చెప్పారు. అలిపిరిలో భక్తుల కోసం బేస్‌క్యాంప్ నిర్మాణం చేపట్టాలని, అరవై అనుబంధ దేవాలయాల అభివృద్ధికి మాస్టర్ ప్లాన్ రూపొందించాలని అధికారులను ఆదేశించారు. ప్రతిసేవపై భక్తుల ఫీడ్‌బ్యాక్ ను తీసుకోవాలని, త్వరలో వాట్సాప్ సేవలు ప్రారంభించాలని చంద్రబాబు ఆదేశించారు. టీటీడీ సేవలు, సౌకర్యాల్లో 100 శాతం మార్పు కనిపించాలన్న చంద్రబాబు తిరుమలలో సేవలు బాగుంటే ప్రభుత్వానికీ మంచి పేరు వస్తుందని, అభివృద్ది పనుల పేరుతో డబ్బులు ఇష్టారీతిన ఖర్చు పెట్టొద్దని తెలిపారు.టీటీడీలో మనం ధర్మకర్తలం, నిమిత్తమాత్రులం మాత్రమేనని చంద్రబాబు చెప్పారు.