Chandrababu: చంద్రబాబు కీలక నిర్ణయం.. అవన్నీ రద్దు.. కొత్తవి జారీ

తాము అధికారంలోకి వస్తే కొత్త పాస్ పుస్తకాలను రాజముద్రతో ముద్రించి ఇస్తామని చంద్రబాబు ఎన్నికల సందర్భంగా ఇచ్చిన హామీని అమలు చేయాలని నిర్ణయించారు. సరిహద్దురాళ్లపైన కూడా జగన్ బొమ్మలను ముద్రించారని, వీటి కోసం 650 కోట్ల రూపాయలు ఖర్చు చేశారని సమీక్షలో చంద్రబాబు తెలిపారు. ఇందుకోసం 77 లక్షల గ్రానైట్ రాళ్లను సిద్ధం చేశారని, వాటిని ఏమి చేయాలన్న దానిపై ఆలోచన చేయాలని అధికారులను చంద్రబాబు ఆదేశించారు. వాటిని ఉపయోగించుకోకుండా మరో రకంగా ఎలా వినియోగించుకోవచ్చో నివేదిక సమర్పించాలని రెవెన్యూ శాఖ అధికారులకు చంద్రబాబు ఆదేశాలు జారీ చేశారు.