నేడు తిరుపతికి జగన్

ఆంధ్రప్రదేశ్ ముఖ్యమంత్రి వైఎస్ జగన్ నేడు తిరుపతి జిల్లా పర్యటనకు రానున్నారు. వివిధ కార్యక్రమాల్లో పాల్గొననున్నారు. ఉదయం 10.45 గంటలకు తిరుపతి విమానాశ్రయానికి చేరుకోనున్న జగన్ అక్కడ నుంచి రూరల్ మండలంలోని పేరూరు చేరుకుని వకుళామాత ఆలయ మహా సంప్రోక్షణ కార్యక్రమంలో పాల్గొంటారు. అక్కడ ప్రత్యేక పూజలు నిర్వహిస్తారు. అనంతరం అక్కడి నుంచి హెలికాప్టర్ లో శ్రీకాళహస్తికి బయలుదేరుతారు. శ్రీకాళహస్తి మండలం ఇనగలూరులో హిల్ టాప్ సెజ్ ఫుట్ వేర్ ఇండియా లిమిటెడ్ కంపెనీకి భూమి పూజ చేస్తారు. అనంతరం కంపెనీ ప్రతినిధులతో సమావేశమవుతారు.