ఏబీకి ఏపీ సర్కార్ క్లీన్ చిట్

కూటమి ప్రభుత్వం అధికారంలోకి వచ్చిన తర్వాత ఎట్టకేలకు ఏ బి వెంకటేశ్వరరావు పై మోపబడిన అభియోగాలు అవాస్తవమని చట్టాన్ని అతిక్రమించి నివేదికలు ఇచ్చిన ఐఏఎస్ అధికారి గురించి అనేక వివరాలు బయటకు వచ్చాయని ప్రభుత్వం తెలిపింది. ఏబీ వెంకటేశ్వరరావు పై మోపిన అభియోగాలు అవాస్తవమని తాజాగా ప్రభుత్వం తేల్చి చెప్పడంతో ఏబీకి క్లీన్ చిట్ ఇచ్చినట్లయింది. విజయవాడ పోలీస్ కమిషనర్ గా రెండు పర్యాయాలు ఏ బి వెంకటేశ్వరరావు పనిచేశారు. ఏబీ వెంకటేశ్వరరావు హయాంలోనే తొలిసారిగా 2004లో తీవ్ర అరాచకాలు చేస్తున్న వ్యక్తిపై కోకా యాక్టు అమలు చేసిన చరిత్ర ఆయనకు ఉందని తెలిపారు. రెండో పర్యాయం పోలీస్ కమిషనర్ గా విజయవాడకు చేసిన సందర్భంలో ట్రాఫిక్ లో వినూత్నమైన చర్యలు చేపట్టారని పేర్కొంది.