Andhra Pradesh : కొత్తగా పింఛను కావాలా? అయితే ఇలా చేయండి.. వెంటనే మీ అకౌంట్ లోకి?

ప్రతి నెల ఒకటో తేదీన జీతాల తరహాలో ఇంటికి వచ్చి మరీ పింఛను చెల్లిస్తుండటంతో వారి ఆనందానికి అవధులు లేకుండా ఉన్నాయి. ఈ స్థాయిలో పింఛను మరే రాష్ట్రంలో ఇవ్వడం లేదు. పొరుగున ఉన్న తెలంగాణలోనూ నెలకు 2,116 మాత్రమే చెల్లిస్తున్నారు. కానీ ఏపీ ప్రభుత్వం మాత్రం నాలుగు వేల రూపాయలు చెల్లిస్తున్నారు. ఇంత పెద్దమొత్తాన్ని పొందేందుకు అనేక మంది ఎదురు చూస్తున్నారు. సుదీర్ఘకాలంగా పింఛను కోసం ఎదురు చూపులు చూస్తున్నారు. అయితే గత ప్రభుత్వ హయాంలో వారి ఆశలు ఫలించలేదు. కొత్త పింఛన్లను మంజూరు చేయలేదు. కొత్త రేషన్ కార్డులను కూడా ఇవ్వలేదు. కానీ కూటమి ప్రభుత్వం అధికారంలోకి వచ్చిన తర్వాత కొత్త పింఛన్లు మంజూరు చేయడానికి సిద్ధమయింది.

జనవరి నెలలో కొత్త పింఛను దారులకు పెన్షన్ అందేలా ప్రభుత్వం అన్ని చర్యలు తీసుకుంటుంది. ఈ నెల మొదటి వారం నుంచి దరఖాస్తులను సచివాలయాలలో స్వీకరించనున్నారు. వృద్ధాప్య పెన్షన్, వితంతువు పెన్షన్, ఒంటరి మహిళా పెన్షన్, వికలాంగుల పెన్షన్, డప్పు కళాకారుల పెన్షన్, చర్మ కళాకారుల పెన్షన్, కల్లు గీత కార్మికుల పెన్షన్ కోసం కొత్తగా దరఖాస్తు చేసుకోదలచుకున్న వారు ఈ క్రింది డాకుమెంట్స్ ను సిద్దంగా ఉంచుకోవాలని ప్రభుత్వం తెలిపింది. ఈ డాక్యుమెంట్ల ఆధారంగా పింఛనుకు అర్హులా? కాదా? అన్నది నిర్ణయించి ఈ నెలాఖరులోగా ఒక జాబితాను ఏపీ ప్రభుత్వంవిడుదల చేసే అవకాశముంది. వారికి జనవరి నెల నుంచి పింఛను అందనుంది.