Ys Jagan : వైఎస్ జగన్ కు షాకిచ్చిన స్పీకర్ అయ్యన్న పాత్రుడు

భద్రతా కారణాల రీత్యా పాస్ లు ఉన్నవారికే అసెంబ్లీ ప్రాంగణంలోకి అనుమతి ఇవ్వనున్నారు. అసెంబ్లీ, మండలిలో వేర్వేరు ప్రాంతాలకు వెళ్లేలా వివిధ కలర్ కోడ్ లతో పాస్ లు జారీ చేశారు. అసెంబ్లీ ఒకటో గేట్ నుంచి మండలి ఛైర్మన్, స్పీకర్, డిప్యూటీ స్పీకర్ కు అనుమతి ఉంటుంది. అసెంబ్లీ ఒకటో గేట్ నుంచి సీఎం, డిప్యూటీ సీఎంలకు మాత్రమే అనుమతి ఇస్తారు. అసెంబ్లీ గేట్ 2 నుంచి మంత్రులకు మాత్రమే అనుమతి ఉంటుంది. అసెంబ్లీ గేట్ 4 నుంచి ఎమ్మెల్యేలు, ఎమ్మెల్సీలకు మాత్రమే అనుమతి ఇస్తారు. మండలి ఛైర్మన్, స్పీకర్, సీఎం వచ్చి వెళ్లే కారిడార్ లో ఇతరులకు అనుమతి లేదని స్పష్టం చేశారు. అంటే జగన్ ఎమ్మెల్యేలు వచ్చే గేట్ 4 నుంచి మాత్రమే అసెంబ్లీ సమావేశాలకు రావాల్సి ఉంటుంది. జగన్ గేట్ నెంబరు వన్ నుంచి ఎమ్మెల్యేగా ప్రమాణ స్వీకారం చేసే సమయంలో వచ్చేందుకు ప్రయత్నించడంతో వివాదంగా మారింది. దీంతో ఈ రకమైన ఆదేశాలు జారీ చేశారు.