పది రోజుల సీఎంకు ఐదో ర్యాంకా?

సర్వేలపై ఆంధ్రప్రదేశ్ మంత్రి ఆర్కే రోజా ఆగ్రహం వ్యక్తం చేశారు. ఈరోజు ఉదయం రోజా తిరుమల శ్రీవారిని దర్శించుకున్నారు. వీఐపీ దర్శనంలో నటి రవళితో కలసి ఆమె శ్రీవారిని దర్శించుకున్నారు. ఈ సందర్భంగా మీడియాతో మాట్లాడుతూ చంద్రబాబు చేయించేవన్నీ బోగస్ సర్వేలని అన్నారు. అందుకే ఆయనను బోగస్ బాబుగా పిలుస్తారని రోజా ఎద్దేవా చేశారు. పదిరోజులు ముందు సీఎం అయిన మహారాష్ట్ర ముఖ్యమంత్రికి ఐదో ర్యాంకు, మూడేళ్లుగా పేదలకు సంక్షేమ పథకాలను అందిస్తునన జగన్ కు అట్టడుగు ర్యాంకు ఇవ్వడంతోనే సర్వే సంస్థ లక్ష్యమేంటో తెలిసిపోయిందని రోజా అన్నారు.