తెలుగు రాష్ట్రాల్లో వర్షాలు మళ్లీ వచ్చాయి

బంగాళాఖాతంలో అల్పపీడనానికి నైరుతి రుతుపవనాలు తోడవ్వడంతో ఉపరితల ద్రోణి ఏర్పడింది. దీంతో ఆంధ్రప్రదేశ్ లో గాలులు పెద్దఎత్తున వీస్తున్నాయి. ఈ ప్రభావంతో ఇవాళ కోస్తా, ఉత్తరాంధ్రతో పాటుగా రాయలసీమ ప్రాంతాల్లో మోస్తరు నుంచి భారీ వర్షాలు కురుస్తాయని అంచనా వేస్తున్నారు. బాపట్ల, ఏలూరు, కృష్ణా, పార్వతీపురం మన్యం, ప్రకాశం, పశ్చిమగోదావరి, కర్నూలు, నంద్యాల, కడప జిల్లాల్లో భారీ వర్షాలు పడతాయని అంచనా వేస్తున్నారు. శ్రీకాకుళం, విజయనగరం, అల్లూరి సీతారామరాజు, కాకినాడ, డాక్టర్ బీఆర్ అంబేద్కర్ కోనసీమ, తూర్పుగోదావరి, ఎన్టీఆర్, పల్నాడు, నెల్లూరు, శ్రీ సత్యసాయి, అన్నమయ్య, చిత్తూరు, తిరుపతి జిల్లాల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని అంచనా వేశారు. మిగిలిన జిల్లాల్లో తేలికపాటి వర్షాలు పడనున్నాయి.