గుడ్ న్యూస్.. వారందరికీ డబ్బులిచ్చి ఉచితంగా కోచింగ్

టీచర్ ఎలిజిబిలిటీ టెస్ట్ (TET)లో ఉత్తీర్ణులైన B.Ed అర్హత కలిగిన అభ్యర్థులకు ఈ కోచింగ్ ఉంటుంది. స్టడీ సర్కిళ్లలో బీసీలకు 66%, ఎస్సీలకు 20%, ఎస్టీలకు 14%, ఆర్థికంగా బలహీన వర్గాల (ఈడబ్ల్యూఎస్) అభ్యర్థులకు అదనంగా 10% సీట్లు కేటాయించనున్నారు. కోచింగ్ రెండు నెలల పాటు కొనసాగుతుంది, ఈ సమయంలో అభ్యర్థులు స్టడీ మెటీరియల్స్ కోసం రూ.1,000తో పాటు నెలకు రూ.1,500 స్టైఫండ్‌ను అందుకుంటారు. ఆఫ్‌లైన్ కోచింగ్‌తో పాటు, వ్యక్తిగతంగా సెషన్‌లకు హాజరుకాలేని అభ్యర్థులకు ఆన్‌లైన్ లో డీఎస్సీ కోచింగ్‌ను అందించాలని ప్రభుత్వం యోచిస్తోంది. ప్రాక్టీస్ కోసం గత ప్రశ్నపత్రాలు, మోడల్ పేపర్లతో పాటు నిపుణుల నేతృత్వంలోని తరగతులను అందించడానికి ప్రత్యేక వెబ్‌సైట్ అందుబాటులోకి రానుంది.