Cyclone Alert : ఏపీకి మళ్లీ తుపాను.. వాతావరణ శాఖ హెచ్చరికలు

ఆంధ్రప్రదేశ్ ను భారీ వర్షాలు, తుపాన్లు వీడటం లేదు. అల్పపీడనం ఏర్పడి తర్వాత వాయుగుండంగా మారుతుండటంతో ఆంధ్రప్రదేశ్ లో భారీ వర్షాలు పడుతున్నాయి. ప్రాజెక్టులన్నీ జలకళను సంతరించుకున్నాయి. ఇటీవలే ఒక వాయుగుండం తీరం దాటి సేఫ్ గా ఉండి, నష్ట తీవ్రత అంతగా లేకపోవడంతో అందరూ పీల్చుకున్నారు. ఈ సమయంలో ఏపీకి మరో తుపాను ముప్పు పొంచి ఉందని వాతావరణ శాఖ తెలిపింది. పశ్చిమ మధ్య బంగాళాఖాతంలో ఉత్తర తమిళనాడు తీర ప్రాంతంలో ఉపరితల ఆవర్తనం ఆవరించి ఉంది. ఇది సముద్ర మట్టానికి 5.8 కిలోమీటర్ల ఎత్తు వరకూ ఉందని అధికారులు చెబుతున్నారు. మరొక ఉపరితల ఆవర్తనం అండమాన్ సముద్ర తీర ప్రాంతంలో విస్తరించి ఉంది. అల్పపీడనం ఏర్పడిన తర్వాత దీనిపై స్పష్టత వస్తుంది.