నా పొత్తు వారితోనే.. మదనపల్లెలో జగన్

తనకు ఎవరితో పొత్తు ఉండదని, ప్రజలతోనే పొత్తు ఉంటుందని ఏపీ ముఖ్యమంత్రి జగన్ అన్నారు. మదనపల్లెలో జరిగిన బహిరంగ సభలో ఆయన మాట్లాడారు. ఏది చెబుతానో అది చేసి చూపిస్తానని అన్నారు. రాష్ట్రంలో ప్రతిపక్షాల పరిస్థితి దారుణంగా ఉందన్నారు. కొందరు పెత్తందారులు ప్రయోజనాలను కొందరికే పంచిపెట్టాలని చూస్తున్నారన్నారు. పేదల పిల్లలు ఇంగ్లీష్ మీడియంలో చదవడానికి వాదించే వారు విపక్షంలో ఉన్నారన్నారు. మనుషులంతా ఒక్కటే అన్న జ్ఞానం వారికి రావాలని కోరుకుంటున్నానని తెలిపారు. తమ భూముల్లో మాత్రమే రాజధాని కట్టాలన్న ఆలోచన నుంచి బయటపడాలని తాను కోరుకుంటున్నానని అన్నారు. ఎస్సీ, ఎస్టీ, బీసీ, మైనారిటీ వర్గాలకు రాజధానిలో ఇళ్ల స్థలాలు ఇస్తామంటే సామాజిక సమతుల్యత దెబ్బతింటుందన్న వారికి బుద్ధి చెప్పాలన్నారు. జగన్ బటన్ నొక్కితే శ్రీలంక అవుతుందని తప్పుడు ప్రచారాలు చేస్తున్నారన్నారు. వాళ్లు అధికారంలో ఉన్నప్పుడు ఆంధ్రప్రదేశ్ అమెరికా అని చెబుతున్నారన్నారు. గజదొంగల ముఠా ఈ రాష్ట్రాన్ని దోచుకున్నారన్నారు.