Sat Nov 23 2024 05:32:15 GMT+0000 (Coordinated Universal Time)
నేడు కడప జిల్లాకు జగన్
ముఖ్యమంత్రి వైఎస్ జగన్ నేడు కడప జిల్లాలో పర్యటించనున్నారు. ముఖ్యమంత్రి కడప జిల్లా పర్యటనకు సంబంధించి షెడ్యూలు విడుదలయింది
ఆంధ్రప్రదేశ్ ముఖ్యమంత్రి వైఎస్ జగన్ నేడు కడప జిల్లాలో పర్యటించనున్నారు. ముఖ్యమంత్రి కడప జిల్లా పర్యటనకు సంబంధించి షెడ్యూలు విడుదలయింది. సీఎం జగన్ జమ్మలమడుగు, పులివెందుల నియోజకవర్గాల్లో పర్యటించనున్నారు. ఉదయం 9 గంటలకు తాడేపల్లి నివాసం నుంచి బయలుదేరి 10.50 గంటలకు జమ్మలమడుగు నియోజకవర్గంలోని సున్నపురాళ్ల పల్లెను చేరుకుంటారు. అక్కడ జిందాల్ స్టీల్ ప్లాంట్ కు సంబంధించిన భూమి పూజలో పాల్గొంటారు. శిలాఫలకాన్ని ఆవిష్కరిస్తారు.
స్టీల్ ప్లాంట్ కు శంకుస్థాపన....
అనంతరం స్టీల్ ప్లాంట్ కు సంబంధించిన అధికారులతో సమావేశమవుతారు. త్వరిత గతిన స్టీల్‌ప్లాంట్ నిర్మాణం పూర్యయ్యేందుకు సహకరించాలనికోరనున్నారు. అనంతరం అక్కడి నుంచి బయలుదేరి మధ్యాహ్నం 1.40 గంటలకు పులివెందులకు చేరుకుని ఎస్‌సీఎస్ఆర్ ఫంక్షన్ హాలులో జరుగుతున్న మూలి బలరామిరెడ్డి కుమారుడి వివాహ రిసెప్షన్ కు హాజరవుతారు. నూతన వధూవరులను ఆశీర్వదిస్తారు. మధ్యాహ్నం 2.40 గంటలకు బయలుదేరి సాయంత్రం 4.30 గంటలకు తాడేపల్లి కార్యాలయానికి చేరుకుంటారు. అధికారులు జగన్ పర్యటనకు సంబంధించి అన్ని ఏర్పాట్లు చేశారు.
Next Story
