Fri Nov 22 2024 21:30:49 GMT+0000 (Coordinated Universal Time)
నేడు ఏపీలో వడగాల్పులు
ఆంధ్రప్రదేశ్‌లో నేడు వడగాలులు వీచే అవకాశముందని ఏపీ విపత్తుల నిర్వహణ సంస్థ తెలిపింది
ఆంధ్రప్రదేశ్‌లో నేడు వడగాలులు వీచే అవకాశముందని ఏపీ విపత్తుల నిర్వహణ సంస్థ తెలిపింది. ప్రజలు అప్రమత్తంగా ఉండాలని హెచ్చరించింది. ఈరోజు అల్లూరి సీతారామరాజు జిల్లా రాజవొమంగి, అనకాపల్లి జిల్లా నాతవరం, కాకినాడ జిల్లా కోటనందూరు మండలంలో తీవ్రవడగాల్పులు వీచే అవకాశం ఉందని తెలపింది. ఈరోజు నలభై ఐదు మండాలల్లో, రేపు 104 మండలాల్లో వడగాల్పులు వీచే అవకాశం ఉందని పేర్కొంది.
ఎండ తీవ్రత...
మిగిలిన చోట్ల ఎండ ప్రభావం చూపే అవకాశం ఉందని తెలిపింది. ప్రజలు ఎండ తీవ్రత పట్ల అప్రమత్తంగా ఉండాలని, తగిన జాగ్రత్తలు తీసుకోవాలని సూచించింది. అవసరమైతే తప్ప ప్రజలు బయటకు రావద్దని కూడా హెచ్చరించింది. వడగాలులతో పాటు ఎండ తీవ్రత కూడా ఎక్కువగా ఉండనుందని ఏపీ విపత్తుల నిర్వహణ సంస్థ తెలిపింది. ప్రజలు అప్రమత్తంగా లేకుంటే వడదెబ్బ తగిలే అవకాశముందని హెచ్చరించింది.
Next Story
