రేవంత్ రెడ్డి చేపల పులుసు కామెంట్లకు మంత్రి రోజా గట్టి కౌంటర్

తెలంగాణ, ఏపీ మధ్యలో కృష్ణా జలాల పంపకాలు, ప్రాజెక్టుల అప్పగింతపై కొద్దిరోజుల కిందట మాట్లాడిన సీఎం రేవంత్ రెడ్డి.. మాజీ సీఎం కేసీఆర్‌పై విమర్శలు చేశారు. సీఎం జగన్, కేసీఆర్ కలిసి రోజా చేసిన చేపల పులుసు తిని, రాయలసీమ ఎత్తిపోతల పథకానికి తెలంగాణ వాటా నుంచి నీళ్లు ఇచ్చారని రేవంత్ రెడ్డి ఆరోపించారు. ఆ వ్యాఖ్యలపై రోజా తాజాగా స్పందించారు. గతంలోనూ రేవంత్ రెడ్డి చేపల పులుసు వ్యాఖ్యలు చేసినప్పుడు రోజా ఘాటుగా స్పందించారు. తమ ఇంటికి సీఎం జగన్ ఎప్పుడు వచ్చారో చెప్పాలని ప్రశ్నించారు. రేవంత్ రెడ్డి కాదని, కోవర్టు రెడ్డని విమర్శించారు. కాంగ్రెస్‌లో ఉంటూ టీడీపీ నేతలను కలవడంలోనే రేవంత్ కోవర్టని తెలుస్తోందన్నారు. 28 వంటకాలతో కేసీఆర్‌కు చంద్రబాబు డిన్నర్ ఇవ్వడం మరచిపోయారా అంటూ ప్రశ్నించారు రోజా.