రాళ్లతో పవన్ కళ్యాణ్ పై దాడికి యత్నం

పి గన్నవరం నియోజకవర్గ పార్టీ నాయకుల సమావేశంలో పవన్ మాట్లాడుతూ.. వైసీపీ పాలన నుండి ఉభయ గోదావరి జిల్లాలను విముక్తి చేయాలన్నారు. రాజోలులో నాయకుడు వెళ్లిపోయినా పార్టీ శ్రేణులు అండగా నిలబడ్డాయని అన్నారు. ఇక్కడి వారు ఇచ్చిన ప్రేరణతోనే వారాహి యాత్రను ప్రారంభించినట్లు చెప్పారు.చీకట్లో ఉన్న జనసేన పార్టీని.. 2019 ఎన్నికల్లో రాజోలులో గెలిపించి చిరు దీపం వెలిగించారని అన్నారు. రాజోలు ఎమ్మెల్యే రాపాక వరప్రసాద్ మనతో ఉండి ఉంటే.. ఆయనను భుజాలపై పెట్టుకునేవాడినని చెప్పారు. వచ్చే ఎన్నికల్లో ఉభయ గోదావరి జిల్లాలపై తాను ప్రత్యేకంగా దృష్టి పెట్టానని పవన్ కళ్యాణ్ చెప్పారు. రాజోలు, పి.గన్నవరం నియోజకవర్గాలు తన పర్యవేక్షణలోనే ఉంటాయని వెల్లడించారు. గోదావరి జిల్లాలు బాగుంటేనే రాష్ట్రమంతా బాగుంటుందని చెప్పుకొచ్చారు.

అన్న పార్టీ కంటే తన పార్టీ నేతలే గొప్పని పరోక్షంగా పవన్ కళ్యాణ్ చెప్పారు. అప్పటి ప్రజారాజ్యం పార్టీ నాయకులకు కమిట్మెంట్ లేదని.. ఇప్పుడు జనసేన నాయకులకు ఉన్న కమిట్మెంట్ అప్పుడు ఉండి ఉంటే..పార్టీని విలీనం చేయాల్సి వచ్చేది కాదన్నారు. 2019 ఎన్నికల్లో గోదావరి జిల్లాల్లో తనకు 18 శాతం ఓట్లు పడ్డాయని అంటే 20 లక్షలమంది ఓట్లేశారని గుర్తు చేశారు. ఈసారి తప్పకుండా భారీగా సీట్లను సాధిద్దామని చెప్పారు.