జిన్నా టవర్ పేరు మార్చాల్సిందే.. ఏపీ ప్రభుత్వానికి డెడ్ లైన్

గుంటూరు లోని జిన్నా టవర్ పేరు వివాదం మరో సారి వార్తల్లో నిలిచింది. గుంటూరులోని శంకర్‌ విలాస్‌ సెంటర్‌లో జిన్నా టవర్‌ పేరు మార్చాలంటూ దూసుకెళ్లారు బీజేవైఎం కార్యకర్తలు. జిన్నా టవర్‌ పేరు మార్చాలని డిమాండ్‌ చేస్తూ, ఆందోళనకు దిగారు. ఈ ఆందోళనలో బీజేపీ కీలక నేతలు, సునీల్‌ దియోధర్‌, సత్యకుమార్‌ పాల్గొన్నారు. వీరిని అడ్డుకున్నారు పోలీసులు. అనంతరం స్టేషన్ కు తరలించారు. పోలీసులు అడ్డుకోవడంతో, రోడ్డుపై బైఠాయించిన నినాదాలు చేశారు బీజేవైఎం కార్యకర్తలు. జిన్నా టవర్‌ మార్చి, అబ్దుల్‌కలాం పేరు పెట్టాలని నినాదాలు చేశారు. పేరు మార్చకపోతే ఆగస్టు15కి జిన్నాటవర్‌ కూల్చేస్తామని వార్నింగ్‌ ఇచ్చారు.