అందుకే పొత్తుల ప్రస్తావన తెస్తున్నారు

చిత్తూరు జిల్లాలో రైతు ప్రభుత్వ కార్యాలయంలో చనిపోవడం బాధాకరమని అన్నారు. రైతుకుటుంబానికి యాభై లక్షల నష్ట పరిహారం ఇవ్వాలని డిమాండ్ చేశారు. ఇది రాష్ట్ర ప్రభుత్వం నిర్లక్ష్యంతోనే జరిగిందని విష్ణువర్ధన్ రెడ్డి ఆరోపించారు. విద్యా మాఫియా వైసీపీ ప్రభుత్వం చెప్పు చేతుల్లో ఉందన్నారు. ప్రయివేటు స్కూళ్లలో పేదలకు సీట్లివ్వాలన్న నిబంధనను ఎందుకు అమలు చేయడం లేదని ఆయన ప్రశ్నించారు. నారాయణ, చైతన్య విద్యాసంస్థల విషయంలో ప్రభుత్వం చెప్పే మాటలకు, చేతలకు పొంతన లేకుండా ఉందన్నారు. పొత్తులపై నిర్ణయం తీసుకునేది హైకమాండ్ మాత్రమేనని, వారి పార్టీల నుంచి బీజేపీలో చేరకుండా అడ్డుకునేందుకే వైసీపీ, టీడీపీలు పొత్తుల ప్రస్తావన తెస్తున్నాయన్నారు.