వైసీపీ సర్కార్‌పై పురంద్రీశ్వరి ఆగ్రహం

వైసీపీ ప్రభుత్వం పై బీజేపీ అధ్యక్షురాలు పురంద్రీశ్వరి ఆగ్రహం వ్యక్తంచేశారు. యువతకు ఉపాధి లేకుండా చేసిందని అన్నారు. .రాష్ట్రంలో విధ్వంసకర, విద్వేషపూరిత, కక్షపూరిత పరిపాలన సాగుతున్నడంతో... ఒక పెట్టుబడి కూడా రాష్ట్రానికి రాలేదన్న పురంద్రీశ్వరి ఈ తరుణంలో ఇక్కడ పిల్లలకు ఉపాధి లేకుండా పోయిందన్నారు. రాష్ట్రంలో, గ్రామాల్లో అంతర్గత రహదారులు బాగుండలేదని కేంద్ర ప్రభుత్వం నిర్మించిన రహదారులు మాత్రమే సవ్యంగా, బ్రహ్మాండంగా ఉన్నాయన్నారు. కేంద్ర ప్రభుత్వం రాష్ట్ర ప్రభుత్వానికి గ్రామాల అభివృద్ధికి ఇచ్చిన నిధులు పక్కదారి పట్టించిందని విమర్శించారు. రాష్ట్ర ప్రభుత్వం గ్రామాల్లో కనీసం రోడ్ల నిర్మాణం కూడా చేయలేని దుస్థితిలో ఉందన్నారు.