తక్కువ మార్కులు.. సూర్యనారాయణపురం స్కూల్ లో శిక్ష విధించారంటే?

తాజాగా కాకినాడ లోని సూర్యనారాయణపురంలో తక్కువ మార్కులు వచ్చాయని ఓ ఉపాధ్యాయుడు పిల్లల జుట్టు కత్తిరించాడు. సూర్యనారాయణపురంలో ఎన్ఎస్ఎస్ ఆర్కే పబ్లిక్ స్కూల్లో విద్యార్థులకు మార్కులు తక్కువ వచ్చాయని జుట్టు కత్తిరించారు హెడ్ మాస్టర్. మొత్తం 9 మంది పిల్లల జుట్టు కత్తిరించినట్లు తెలుస్తోంది. దీంతో ఆందోళనకు దిగారు విద్యార్థులు, వారి తల్లిదండ్రులు. పెద్ద ఎత్తున తల్లిదండ్రులు, స్థానికులు స్కూల్ దగ్గరకు చేరడంతో పోలీసులకు సమాచారం అందించారు. విషయం తెలుసుకున్న పోలీసులు హుటాహుటిన స్కూల్ దగ్గరకు చేరుకున్నారు. హెడ్ మాస్టారు పై కేసు నమోదు చేశారు. పిల్లలను, ప్రధానోపాధ్యాయుడిని విచారిస్తున్నారు. ఈ ఘటనకు సంబంధించిన మరిన్ని వివరాలు తెలియాల్సి ఉంది.