ఇప్పుడు ఇలా అంటున్నారా బ్రదర్ అనిల్!!

ఢిల్లీలోని ఏఐసీసీ కార్యాలయంలో ఆ పార్టీ జాతీయ అధ్యక్షుడు మల్లిఖార్జున ఖర్గే, రాహుల్ గాంధీ సమక్షంలో ఆమె కాంగ్రెస్ కండువా కప్పుకున్నారు. ఈ కార్యక్రమంలో ఏఐసీసీ అధ్యక్షులు మల్లిఖార్జున ఖర్గే, రాహుల్ గాంధీలతో పాటు.. కేసీ వేణుగోపాల్, మాణిక్యం ఠాగూర్, ఏపీ పీసీసీ ప్రెసిడెంట్ గిడుగు రుద్రరాజు, కొప్పుల రాజు పాల్గొన్నారు. షర్మిల కాంగ్రెస్ పార్టీలో చేరిన సమయంలో వైఎస్ షర్మిల మెడలో కుండవా కప్పి మల్లిఖార్జున ఖర్గే ఆమెను పార్టీలోకి ఆహ్వానించారు. అనంతరం ఆమె పక్కనే ఉన్న బ్రదర్ అనిల్ మెడలోనూ కండువా వేయబోయారు. అయితే బ్రదర్ అనిల్ కాంగ్రెస్ పార్టీలో చేరడానికి, కాంగ్రెస్ కండువా కప్పుకోవడానికి నిరాకరించారు. ఇదే విషయాన్ని షర్మికు సైగ చేసి చెప్పారు. వెంటనే షర్మిల ఆయన మెడలో కండువా వద్దు అంటూ ఖర్గేకు చెప్పగా.. దీంతో ఒక్కసారిగా ఖర్గే ఖంగుతున్నారు.