వివేకా హత్యను నిందితులు వీడియో తీసి పంపారు: బీటెక్ రవి

తాజాగా మరోసారి బీటెక్ రవి వివేకానందరెడ్డి హత్య గురించి స్పందించారు. వివేకా హత్యను నిందితులు వీడియో తీసి వైసీపీ పెద్దలకు పంపారన్న సమాచారం ఉందని బీటెక్ రవి సంచలన ఆరోపణలు చేశారు. వివేకా హత్యలో తన ప్రమేయం లేదని, తాను నార్కో అనాలిసిస్ టెస్టుకైనా సిద్ధమేనని అన్నారు. అవినాశ్ రెడ్డి కూడా అతడి ప్రమేయం ఏమీ లేదని నార్కో అనాలిసిస్ టెస్టుకు సిద్ధమా? అని బీటెక్ రవి సవాల్ విసిరారు. ఈ కేసును సీరియస్ గా తీసుకుంటే అవినాశ్ బీజేపీలోకి పోతాడని సునీతతో వైఎస్ జగన్ అన్నారని.. అది నిజం కాదా అని ప్రశ్నించారు. వివేకాను గొడ్డలితో చంపారన్న విషయం హత్య జరిగిన రోజునే జగన్ కు ఎలా తెలిసిందని ప్రశ్నించారు. ఈ కేసులో జగన్ ప్రమేయం ఉందన్న విషయం త్వరలోనే బయటికి వస్తుందని అన్నారు.