Mon Dec 23 2024 04:34:19 GMT+0000 (Coordinated Universal Time)
Advertisement
నేడు విభజన సమస్యలపై సమావేశం
తెలంగాణ, ఆంధ్రప్రదేశ్ రాష్ట్రాల విభజన సమస్యలపై నేడు కేంద్ర ప్రభుత్వం ప్రత్యేక సమావేశం నిర్వహించనుంది
తెలంగాణ, ఆంధ్రప్రదేశ్ రాష్ట్రాల విభజన సమస్యలపై నేడు కేంద్ర ప్రభుత్వం ప్రత్యేక సమావేశం నిర్వహించనుంది. ఈ సమావేశంలో రెండు రాష్ట్రాల మధ్య వివాదంపై చర్చించనున్నారు. విభజన చట్టంలోని అంశాలను కూడా చర్చకు వచ్చే అవకాశముంది. పెండింగ్ లో ఉన్న సమస్యలపై ఈ సమావేశంలో చర్చిస్తారు. ఈ సమావేశానికి రెండు రాష్ట్రాల ఉన్నతాధికారులు హాజరు కానున్నారు. రెండు రాష్ట్రాల చీఫ్ సెక్రటరీలతో పాటు ఇతర శాఖల అధికారులు కూడా హాజరుకానున్నారు.
అన్ని అంశాలతో....
విభజన చట్టంలోని షెడ్యూల్ 9 కింద ప్రభుత్వ కార్పొరేషన్లతో పాటు కంపెనీల విభజన, షెడ్యూల్ పది లోని సింగరేణి కాలరీస్ విభజన, నగదు బ్యాంకు నిల్వల విభజన వంటి అంశాలపై ఈ సమావేశంలో చర్చించనున్నారు. ఆంధ్రప్రదేశ్ రాజధాని అంశంపై కూడా ఈ సమావేశంలో చర్చించే అవకాశముందని తెలిసింది. విభజన హామీల అమలుపై కూడా ఈ సమావేశంలో చర్చకు వచ్చే అవకాశముందని సమాచారం. వెనుక బడిన జిల్లాలకు ప్రత్యేక నిధుల కేటాయింపుపై ఈ సమావేశంలో స్పష్టత వచ్చే అవకాశముంది.
Next Story
