మధ్యంతర బెయిల్ పిటీషన్ వాయిదా

ఈ పిటీషన్ విచారణ సందర్భంగా ఇది రాజకీయ ప్రేరేపిత కేసు అని కూడా చంద్రబాబు తరుపున న్యాయవాదులు వాదించారు. చంద్రబాబు పేరు ఎప్పుడు చేర్చారో కనీసం సీఐడీ అధికారులు చెప్పడం లేదని అన్నారు. ఆధారాలు లేకుండానే ఆయనను అరెస్ట్ చేశారని చెప్పారు. కేసు నమోదు చేసిన ఇరవై రెండు నెలల తర్వాత తనపై ఆరోపణలు చేయడాన్ని ఆయన సవాల్ చేశారు. అయితే సీఐడీ తరుపున న్యాయవాదులు కూడా గట్టిగా వాదించారు. ఈ కేసులో చంద్రబాబు ప్రమేయం ఉందని, ఆయన ప్రోద్బలంతోనే స్కిల్ డెవలెప్‌మెంట్ కార్పొరేషన్ ఏర్పాటయిందని, మంత్రివర్గం ఆమోదం లేకుండా దీనిని ఏర్పాటు చేశారని పేర్కొన్నారు. ఇరువురి వాదనలు విన్న న్యాయస్థానం ఈ నెల 19వ తేదీకి విచారణను వాయిదా వేసింది.