నేను కూడా వారి కాళ్లకు దండం పెడతా: నారా చంద్రబాబు
ఒకప్పుడు రాజకీయనాయకులు కాళ్లకు దండం పెట్టే సంస్కృతి ఏపీ రాజకీయాల్లో చాలా తక్కువ
![నేను కూడా వారి కాళ్లకు దండం పెడతా: నారా చంద్రబాబు నేను కూడా వారి కాళ్లకు దండం పెడతా: నారా చంద్రబాబు](https://www.telugupost.com/h-upload/2024/07/13/1637757-cbn-touching.webp)
ఒకప్పుడు రాజకీయనాయకులు కాళ్లకు దండం పెట్టే సంస్కృతి ఏపీ రాజకీయాల్లో చాలా తక్కువ. కానీ ఇటీవలి కాలంలో మాత్రం అది మరీ ఎక్కువైంది. ఏపీ సీఎం నారా చంద్రబాబు నాయుడు కాళ్లకు నమస్కారం చేసే వారి సంఖ్య విపరీతంగా ఎక్కువైపోయింది. అయితే ఈ విషయంపై తాజాగా ఏపీ సీఎం కీలక సూచన చేశారు. కాళ్లకు దండం పెట్టే సంస్కృతి వీడాలని, ఆ పద్దతి సరికాదన్నారు. ఇకపై ఎవరైనా తన కాళ్లకు దండంపెడితే, తాను వారి కాళ్లకు దండం పెడతానన్నారు. నేటి నుంచి తన కాళ్లకు దండం పెట్టే విధానానికి ఫుల్స్టాప్ పెడుతున్నట్లు చంద్రబాబు సూచించారు. తల్లిదండ్రులు, భగవంతుడి కాళ్లకు దండం పెట్టాలని.. కానీ రాజకీయ నేతల కాళ్లకు దండం పెట్టాల్సిన అవసరం లేదన్నారు. రాజకీయ నేతల కాళ్లకు దండం పెట్టి ఎవరూ తమ గౌరవాన్ని తగ్గించుకోవద్దన్నారు చంద్రబాబు. రాజకీయ నేతల కాళ్లకు ప్రజలు, పార్టీ శ్రేణులు దండం పెట్టొద్దనే సంస్కృతి తన నుంచే ప్రారంభిస్తున్నానని చంద్రబాబు తెలిపారు.