కార్యకర్తలు సంయమనం పాటించాలి: చంద్రబాబు నాయుడు

శుక్రవారం అర్ధరాత్రి దాటిన తర్వాత అధిక సంఖ్యలో పోలీసులు చంద్రబాబు బస చేసిన ప్రాంతానికి చేరుకున్నారు. దీనికోసం అనంతపురం నుంచి నంద్యాలకు పోలీసు బృందాలను రప్పించారు. అలా మొత్తం ఆరు బస్సుల్లో ఎస్పీ కార్యాలయం వద్దకు పోలీసు బలగాలు చేరుకున్నాయి. డీఐజీ రఘురామరెడ్డి, జిల్లా ఎస్పీ రఘువీరారెడ్డి ఆధ్వర్యంలో పోలీసులు పెద్ద సంఖ్యలో మోహరించారు. శనివారం ఉదయం ఐదు గంటల తర్వాత చంద్రబాబు నాయుడు వాహనం చుట్టూ ఉన్న టీడీపీ నేతలను అరెస్టు చేశారు. అరెస్ట్ చేసిన వారిలో కాలువ శ్రీనివాసులు, భూమా బ్రహ్మానందరెడ్డి, భూమా అఖిల, ప్రియ జగద్విఖ్యాతిరెడ్డి, ఏవి సుబ్బారెడ్డి, బీసీ జనార్దన్ రెడ్డి తదితర స్థానిక టీడీపీ నేతలు ఉన్నారు.