Chandrababu : వారిని ఎన్నికల విధుల నుంచి తొలగించాలని కోరాం

సచివాలయ ఉద్యోగులను ఉపయోగించుకుని ఎన్నికల్లో గెలవాలని ఈ ప్రభుత్వం ప్రయత్నిస్తుందని తాము ఎన్నికల సంఘానికి ఫిర్యాదు చేశామని చెప్పారు. ప్రజాస్వామ్యం కోసం మా వంతు మా ప్రయత్నాలు చేశామన్నారు. ఇతర రాష్ట్రాలకు వెళ్లిన వారికి ఇక్కడ ఓటు ఇవ్వాలని ఆయన కోరారు. సచివాలయ సిబ్బందిని ఎన్నికల ప్రక్రియలో భాగం చేయవద్దని కూడా ఎన్నికల సంఘాన్ని కోరినట్లు తెలిపారు. కేంద్ర ఎన్నికల సంఘం అధికారులు సానుకూలంగా స్పందించారని ఆయన తెలిపారు. ప్రతి అధికారిపై తాము ఆధారాలతో సహా వారికి అందించామని, వారిపై క్రిమినల్ చర్యలు తీసుకోవాలని చంద్రబాబు కోరారు. ఎన్నికల సంఘం తక్షణ చర్యలు తీసుకుంటుందని తమకు నమ్మకం ఉందని చంద్రబాబు తెలిపారు.

వైసీపీ ప్రభుత్వం వచ్చినప్పటి నుంచి లా ఆర్డర్ దిగజారిపోయిందని, ప్రతిపక్షాలపై కేసులు నమోదు చేస్తున్నారని, వారిపై బైండోవర్ కేసులు పెడుతున్నారని చెప్పానని జనసేన అధినేత పవన్ కల్యాణ‌్ తెలిపారు. మహిళ కానిస్టేబుల్ ను బీఎల్‌ఓగా నియమించడంపై తాము అభ్యంతరం తెలిపామని చెప్పారు. ఎన్నికలను పారదర్శకంగా, స్వేచ్ఛగా జరుపుతామని ఎన్నికల అధికారి తమకు హామీ ఇచ్చామన్నారు.