Chandrababu : అచ్యుతాపురం ఘటనపై బాధ్యులపై చర్యలు తీసుకుంటాం

అచ్యుతాపురం సెజ్ లో జరిగిన ఘటనపై హైలెవల్ కమిటీ వేశామని ముఖ్యమంత్రి చంద్రబాబు నాయుడు తెలిపారు. చనిపోయిన కుటుంబాలకు కోటి రూపాయలు, తీవ్రంగా గాయపడిన వారికి యాభై లక్షలు, మిగిలిన క్షతగాత్రులకు 25 లక్షల రూపాయలు చెల్లిస్తామని తెలిపారు. ఈరోజే చెక్కులు ఇస్తామని తెలిపారు. రెడ్ కేటగిరీలో ఉండే పరిశ్రమల యాజమాన్యాలు తగిన జాగ్రత్తలు తీసుకోవాలన్నారు. వివిధ ప్రభుత్వ శాఖల అధికారులందరూ కలసి సమన్వయంతో కంపెనీలను తనిఖీలు చేయాలన్నారు. భద్రతా ప్రమాణాలను సక్రమంగా పాటిస్తున్నారా? లేదా? అన్నది పరిశీలించాలన్నారు. అచ్యుతాపురం సెజ్ లో జరిగిన ఘటనకు కారణం యాజమాన్యం నిర్లక్ష్యం కారణం అని తెలిసిందన్నారు.