మనసు పెట్టి పనిచేస్తే దేశంలోనే నెంబర్ 1 అవుతాం : చంద్రబాబు

ఈ సదస్సు చరిత్రను తిరగరాయబోతుందన్న చంద్రబాబు ప్రభుత్వం నిర్దేశించిన లక్ష్యాలకు అనుగుణంగానే అధికారులు పనిచేయాలన్నారు. నాటి ప్రభుత్వం కలెక్టర్ల సమావేశం పెట్టి ప్రజా వేదికను కూల్చిన ఘటనను గుర్తు చేశారు. పనిచేసే అధికారులను పక్కన పెట్టారన్నారు. విధ్వంసం సృష్టించిన గత పాలకులు రాష్ట్రాన్ని కోలుకోలేని స్థితికి చేర్చారన్నారు. రాష్ట్రాన్ని పునర్నించాలంటే మామూలు విషయం కాదన్నారు. అందరం కష్టపడితేనే సాధ్యమవుతుందన్నారు. జీఎస్డీపీ పెరిగితేనే సంక్షేమ పథకాలను అమలు చేయడం సాధ్యమవుతుందని చంద్రబాబు తెలిపారు. అధికారులు పూర్తి సమాచారంతో తమ వద్దకు రావాలన్నారు.