Chandrababu : పోలవరం ప్రాజెక్టు ఎప్పటికి పూర్తవుతుందో చెప్పిన చంద్రబాబు

పోలవరం ప్రాజెక్టును జగన్ నాశనం చేశారని ముఖ్యమంత్రి చంద్రబాబు నాయుడు అన్నారు. ఆయన మీడియా సమావేశంలో మాట్లాడుతూ పోలవరం కోసం తాను పడిన కష్టాన్ని బూడిదలో పోసిన పన్నీరు చేశారని అన్నారు. రాజకీయాల్లో జగన్ ఉండదగని వ్యక్తి అని చంద్రబాబు అన్నారు. రాష్ట్రానికి శాపంగా మారారన్నారు. వైసీపీ ప్రభుత్వం వచ్చిన వెంటనే రివర్స్ టెండరింగ్ అంటూ కాంట్రాక్టర్ ను మార్చారన్నారు. డయాఫ్రం వాల్ ను గత ప్రభుత్వం కాపాడలేకపోయిందన్న చంద్రబాబు జగన్ పోలవరం విషయంలో క్షమించరాని తప్పులు చేశారన్నారు. ఇప్పుడు పోలవరం ప్రాజెక్టు పూర్తి కావాలంటే నాలుగు సీజన్లు కావాలని, అన్నీ సక్రమంగా పూర్తయితే నాలుగేళ్లకు గాని పోలవరం పూర్తి కాదని చంద్రబాబు తేల్చి చెప్పారు.