ఆ నదులను అనుసంధానం చేయడమే లక్ష్యం: చంద్రబాబు

గోదావరి, కృష్ణా, పెన్నా నదులపై దృష్టి సారించి నదుల అనుసంధానంపై తన ప్రయత్నాలను కొనసాగించాలన్నారు. గోదావరి నీటిని రాయలసీమకు తరలించేందుకు రాష్ట్ర ప్రభుత్వం గతంలోనే ప్రతిపాదనలు సిద్ధం చేసిందని చెప్పారు. గోదావరి-కృష్ణా-పెన్నా నదుల అనుసంధానానికి సంబంధించిన ప్రతిపాదనలను నీటిపారుదలశాఖ అధికారులు సమర్పించారు. ఇందులో పోలవరం వద్ద గోదావరి నది నుంచి కృష్ణానదికి నీటిని తరలించి, బొల్లపల్లి, బానకచెర్ల సహా వివిధ రిజర్వాయర్లకు మళ్లించాల్సి ఉంటుంది. పోలవరం నుంచి కృష్ణానదికి, ఆ తర్వాత బొల్లపల్లి రిజర్వాయర్‌కు నీటిని తరలించడంపై సమీక్షా సమావేశంలో చర్చించారు. అలాగే సోమశిల ప్రాజెక్టుకు అనుసంధానం చేసేందుకు అదనపు ప్రణాళికలు సిద్ధం చేస్తున్నారు. ప్రస్తుతం ఉన్న పోలవరం కుడి కాలువను విస్తరించి దాని సామర్థ్యాన్ని పెంచాలా, లేక ఎక్కువ నీరు వెళ్లేలా చేయాలా లేక సమాంతర కాలువ తవ్వాలా అనే అంశంపై కూడా సమావేశంలో చర్చించారు.