పరిశ్రమల ఏర్పాటుకు పూర్తి సహకారం

పరిశ్రమలకు పూర్తి సహకారం ఇస్తామని భరోసా ఇవ్వబట్టే ఇన్ని పరిశ్రమలు వస్తున్నాయన్నారు. వచ్చే నెలలో టాటా కంపెనీకి చెందిన పరిశ్రమ విశాఖపట్నంలో ప్రారంభమవుతుందన్నారు. పారిశ్రామికవేత్తలను పూర్తిగా ఈ ప్రభుత్వం ప్రోత్సహిస్తుందన్నారు. స్థానికులకు 75 శాతం ఉద్యోగాలు ఇవ్వాలని ప్రభుత్వం చట్టం చేసిందని జగన్ గుర్తు చేశారు. ప్రజలు కూడా పరిశ్రమల ఏర్పాటుకు సహకరించాలని కోరారు. రాష్ట్రంలో వేగంగా పారిశ్రామికాభివృద్ధి జరుగుతుందన్నారు.

స్థానికులకే ఉద్యోగాలు వస్తాయని, ఉపాధి అవకాశాలు పెరుగుతాయని జగన్ అన్నారు. మరిన్ని పెట్టుబడులు రావాలంటే ప్రజలు కూడా ప్రభుత్వానికి పూర్తి సహకారం అందించాలన్నారు. 3 ఇండ్రస్ట్రియల్ కారిడార్లు ఉన్న రాష్ట్రం ఆంధ్రప్రదేశ్ మాత్రమేనని జగన్ అన్నారు. పదిహేడు కంపెనీలు ఆంధ్రప్రదేశ్ లో 39,350 కోట్ల రూపాయల పెట్టుబడులు పెట్టాయన్నాు. వచ్చే రెండేళ్లలో మరో 56 పరిశ్రమలు ఏపీకి రాబోతున్నాయని చెప్పారు. 1.54 కోట్లతో లక్షమందికి పైగా ఉద్యోగాలు వచ్చాయని జగన్ అన్నారు. రాష్ట్రంలో తొమ్మిది ఫిషింగ్ హార్బర్లు ఏర్పాటు కాబోతున్నాయని, ఉపాధి అవకాశాలు పెరుగుతాయని తెలిపారు. ఎంఎస్ఎంఈలకు పూర్తి సహకారం అందిస్తామని చెప్పారు.