సమ్మెకు వెళ్లడం సరికాదు... సమీర్ శర్మ పరోక్ష వార్నింగ్

కరోనా తీవ్రత దృష్ట్యా ప్రస్తుత పరిస్థితుల్లో సమ్మెకు వెళ్లడం సరికాదని చీఫ్ సెక్రటరీ సమీర్ శర్మ ఉద్యోగులకు సూచించారు. ప్రతి ఉద్యోగి దీనిపై ఆలోచించాల్సిన అవసరం ఉందని పేర్కొన్నారు. సమ్మెకు వెళితే దాని పరిణామాలు ఎలా ఉంటాయో ప్రతి ఉద్యోగి ఆలోచించుకోవాలని ఆయన తెలిపారు. కోవిడ్ అనంతరం కూడా పాఠశాలలకు వెళ్లే విద్యార్థులు, ఆసుపత్రుల నుంచి డిశ్చార్జ్ అయ్యే కరోనా రోగులు తీవ్ర ఇబ్బందులు ఎదుర్కొంటారని సమీర్ శర్మ అభిప్రాయపడ్డారు. ఇప్పుడిప్పుడే ఉద్యోగ, వ్యాపార వర్గాలు కోలుకుంటున్నాయని, వారిని సమ్మెతో మరింత దెబ్బతీయవద్దని ఆయన సూచించారు.