Chithoor : దొంగలు దొరికారు.. అందుకే వచ్చారట

చిత్తూరు ఆపరేషన్ పూర్తయింది. దొంగలు పోలీసులకు దొరికపోయారు. చిత్తూరులోని గాంధీ రోడ్డులో ఒక వ్యాపారి ఇంట్లో దోపిడీకి పాల్పడటానికి ప్రయత్నించిన దొంగలు గాలిలోకి కాల్పులు జరిపారు. దొంగలు అందరూ అనంతపురం, కర్నూలు జిల్లాలకు చెందిన వారిగా గుర్తించారు. మొత్తం పది మంది దొంగలు ఒక ఇంటిని చుట్టుముట్టి దోపిడీకి ప్రయత్నించారు. లక్ష్మీ సినిమా హాల సమీపంలో ఉన్న పుష్ప కిడ్స్ వరల్డ్ యజమాని చంద్రశేఖర్ ఇంట్లోకి దొంగల ముఠా చొరబడింది. యజమాని వెంటనే అరవడంతో చుట్టుపక్కల వారు అప్రమత్తమైపోలీసులకు సమాచారం అందించారు. పోలీసులు, ఆక్టోపస్ దళాలు చేరుకుని భవనంలో ఉన్న వారిని బయటకు రావాలని కోరారు.