వారందరి డేటాను వెంటనే సేకరించండి: సీఎం చంద్రబాబు

ఆర్టీజీఎస్ అనేది ప్రభుత్వానికి ఒక స‌దుపాయ సాధ‌నంగా, అన్ని వేళ‌లా స‌హాయ‌కారిగా ప‌నిచేయాల‌ని సీఎం చంద్రబాబు నాయుడు అన్నారు. ప్రభుత్వం ప్రజ‌ల‌కు వాట్సాప్ గ‌వ‌ర్నెన్స్‌ను అందుబాటులోకి తెచ్చి వారికి కావాల్సిన సేవ‌ల‌న్నీ సులభంగా అందేలా చేయ‌నుంద‌ని హామీ ఇచ్చారు. ప్రస్తుతం రాష్ట్రంలో 40 ల‌క్షల మంది పౌరులకు సంబంధించి డేటా లేద‌ని అధికారులు చెప్పగా, ఈ డేటాను స‌త్వరం సేక‌రించి అనుసంధానించే చ‌ర్యలు తీసుకోవాల‌ని సీఎం సూచించారు. 90 రోజుల్లో విద్యార్థులు క్యూఆర్ కోడ్ ద్వారా త‌మ విద్యార్హత ధృవీక‌ర‌ణ ప‌త్రాలు పొందేలా కూడా చ‌ర్యలు చేప‌డుతున్నామ‌ని, ఈ ప‌నులు వేగ‌వంతంగా చేస్తున్నామ‌ని వివ‌రించారు. మార్చి నెలాఖ‌రు నుంచి పూర్తి స్థాయిలో ప్రజ‌ల‌కు వాట్సాప్ గ‌వ‌ర్నెన్స్ అందుబాటులోకి తేవాల‌నే ల‌క్ష్యంతో ప‌నిచేస్తున్నామ‌ని అధికారులు వివ‌రించారు.