తెలుగు రాష్ట్రాల్లో మొదలైన కరోనా టెన్షన్

ఆంధ్రప్రదేశ్ రాష్ట్రంలో మహమ్మారిని ఎదుర్కొనేందుకు అవసరమైన సన్నద్ధతపై వైద్యఆరోగ్యశాఖ ప్రత్యేక ప్రధాన కార్యదర్శి ఉన్నస్థాయి సమీక్ష నిర్వహించారు. రాష్ట్రంలోని ప్రభుత్వాస్పత్రుల్లో ఏర్పాటు చేసిన ఆర్టీపీసీఆర్‌ ల్యాబ్‌లను క్రియాశీలకం చేయాలని, రోజుకు కనీసం వెయ్యి పరీక్షలు నిర్వహించేలా సిద్ధం చేయాలని సంబంధిత అధికారులను ఆదేశించారు. విలేజ్‌ హెల్త్‌ క్లినిక్‌ల్లో ర్యాపిడ్‌ టెస్ట్‌ కిట్లను సిద్ధం చేయాలని సూచించారు. ఫ్లూ జ్వరం లేదా శ్వాసకోశ సమస్యలతో బాధపడుతున్న రోగులకు ఆర్టీపీసీఆర్‌ టెస్ట్‌లు తప్పనిసరిగా చేయాలన్నారు. అన్ని ఆస్పత్రుల్లోనూ పీపీటీ, గ్లౌజులు, మాస్క్‌లు, శానిటైజర్లు వంటి రక్షణ పరికరాలను సిద్ధంగా ఉంచాలన్నారు. ముఖ్యంగా పండుగ సీజన్లలో అన్ని ప్రాంతాల్లో ప్రజల రద్దీ పెరుగనున్న నేపథ్యంలో ముందు జాగ్రత్త చర్యలు తీసుకోవాలని సూచించారు. ఆరోగ్యశాఖ అధికారులు, సిబ్బంది నిరంతరం అప్రమత్తంగా ఉండాలని, ప్రజలు కూడా ప్రభుత్వానికి సహకరించాలని కోరారు. శబరిమలై యాత్రకు వెళ్లే భక్తులు తగిన ముందు జాగ్రత్తలు చర్యలు తీసుకోవాలని సూచించారు.