Tirumala : నేడుగా నేరుగా స్వామి వారి దర్శనం...క్యూ లైన్ లో వేచి ఉండకుండానే?

ఈరోజు తిరుమల వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లు ఖాళీగానే ఉన్నాయి. నేరుగా భక్తులు కంపార్ట్‌మెంట్లలో వేచి ఉండకుండానే దర్శనం చేసుకుంటున్నారు. ఉచిత దర్శనం క్యూ లైన్ లోకి ఈరోజు 7.45 గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఆరు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం గంట నుంచి రెండు గంటల సమయం మాత్రమే పడుతుందని అధికారులు తెలిపారు. నిన్న తిరుమల శ్రీవారిని 63,095 మంది భక్తులు దర్శించుకున్నారు. వీరిలో 23,217 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.72 కోట్ల రూపాయలు వచ్చిందని అధికారులు తెలిపారు.