Tiruamala : ఎన్నాళ్లకెన్నాళ్లకు... క్యూ లైన్ లో వేచి ఉండకుండానే నేరుగా దర్శనం

అయితే సోమవారం మాత్రం భక్తుల రద్దీ తగ్గింది. తిరుమల వైకుంఠం క్యూ కాంప్లెక్స్ లోని అన్ని కంపార్ట్‌మెంట్లు ఖాళీగా ఉన్నాయి. శ్రీవారి దర్శనం కోసం భక్తులు క్యూ లైన్ లో వేచి చూడకుండా నేరుగా దర్శనం చేసుకుంటున్నారు. సర్వ దర్శనం క్యూ లైన్ లోకి ఈరోజు ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 79,327 మంది భక్తులు దర్శించుకున్నారు. వీరిలో 25,984 మంది భక్తులు తల నీలాలను సమర్పించి మొక్కులు చెల్లించుకున్నట్లు అధికారులు తెలిపారు. నిన్న తిరుమల శ్రీవారి హుండీ ఆదాయం 3.93 కోట్ల రూపాయల ఆదాయం వచ్చిందని అధికారులు వెల్లడించారు. ఈరోజు తిరుమల వెళ్లేవారు మాత్రం నేరుగా శ్రీవారిని దర్శనం చేసుకునే వీలుంది.