Tirumala : శ్రీవారి భక్తులకు గుడ్ న్యూస్ నేరుగా.. శ్రీవారి దర్శనం.. ఎంత లక్కో?

ఈరోజు తిరుమలలోని వైకుంఠం క్యూ కాంప్లెక్స్ లోని కంపార్ట్‌మెంట్లలో భక్తులు వేచి చూడకుండానే స్వామి వారి దర్శనానికి వెళ్లడానికి వీలవుతుంది. నేరుగా లైన్ కదులుతుండటంతో వెంటనే శ్రీవారి దర్శనం పూర్తవుతుంది. ఉచిత దర్శనం క్యూ లైన్ లోకి ఈరోజు ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం ఆరు గంటల సమయం మాత్రమే పడుతుందని తిరుమల తిరుపతి దేవస్థానం అధికారులు తెలిపారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం గంట నుంచి రెండు గంటల్లో పూర్తవుతుందని అధికారులు తెలిపారు. నిన్న తిరుమల శ్రీవారిని 75,356 మంది భక్తులు దర్శించుకున్నారు. వీరిలో 21,815 మంది భక్తులు తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.90 కోట్ల రూపాయల ఆదాయం వచ్చిందని అధికారులు తెలిపారు.