Sun Nov 24 2024 04:07:47 GMT+0000 (Coordinated Universal Time)
Tirumala : మంగళవారం.. తిరుమలలో రద్దీ ఎలా ఉందంటే?
తిరుమలలో నేడు భక్తుల రద్దీ తగ్గింది. భక్తుల సంఖ్య సాధారణంగానే ఉంది.
తిరుమలలో నేడు భక్తుల రద్దీ తగ్గింది. భక్తుల సంఖ్య సాధారణంగానే ఉంది. మంగళవారం కావడంతో భక్తుల రద్దీ తగ్గిందని తిరుమల తిరుపతి దేవస్థానం అధికారులు వెల్లడించారు. ప్రత్యేక దర్శనం టిక్కెట్లను ముందుగా బుక్ చేసుకున్న వారు మాత్రం తిరుమలకు చేరుకుంటున్నారు. ఏపీలో పదో తరగతి పరీక్ష ఫలితాలు రావడంతో వారు కూడా కుటుంబ సభ్యులతో కలసి స్వామి వారిని దర్శించుకుంటున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శనం రెండు గంటల్లో పూర్తవుతుంది.
రెండు కంపార్ట్‌మెంట్లలోనే...
ఈరోజు వైకుంఠం క్యూ కాంప్లెక్స్ లోని రెండు కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు స్వామి వారి దర్శనం ఆరు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 62,894 మంది భక్తులు దర్శించుకున్నారు. వీరిలో 22,894 మంది భక్తులు తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.31 కోట్ల రూపాయలు వచ్చిందని అధికారులు వెల్లడించారు.
Next Story
