Tiruamala : నేడు తిరుమల శ్రీవారి దర్శనానికి వెళ్లే వారు ఎన్ని గంటలు వేచి ఉండాలంటే?

తిరుమల శ్రీవారి దర్శనం కోసం సుదూరం నుంచి వచ్చే భక్తులు ముందుగానే దర్శన టిక్కెట్లను బుక్ చేసుకుంటారు. వసతి గృహాలు కూడా ముందుగానే బుక్ అవుతాయి. అందువల్లనే ఈ టిక్కెట్లను ఆన్ లైన్ లో పెట్టిన వెంటనే భక్తులు కొనుగోలు చేస్తారు. ఈరోజు తిరుమలలోని వైకుంఠం క్యూ కాంప్లెక్స్ లోని పదహారు కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఈరోజు ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు రెండు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 63,731 మంది భక్తులు దర్శించుకున్నారు. వీరిలో 22,890 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.94 కోట్ల రూపాయలు వచ్చిందని అధికారులు తెలిపారు. రేపు కూడా ఇదే మాదిరి రద్దీ కొనసాగే అవకాశముంది.