Tue Nov 26 2024 17:34:00 GMT+0000 (Coordinated Universal Time)
వర్షంలోనూ తగ్గని భక్తుల రద్దీ
తిరుమలలో భక్తుల రద్దీ తగ్గలేదు. ఆదివారం కావడంతో భక్తుల రాక మరింత పెరిగింది.
తిరుమలలో భక్తుల రద్దీ తగ్గలేదు. ఆదివారం కావడంతో భక్తుల రాక మరింత పెరిగింది. తుపాను కారణంగా తిరుమలలో భారీ వర్షం కురుస్తున్నా భక్తులు మాత్రం స్వామి దర్శనం కోసం తిరుమల కొండకు క్యూ కడుతున్నారు. వైకుంఠం క్యూ కాంప్లెక్స్ లోని 13 కంపార్ట్‌మెంట్లన్నీ భక్తులతో నిండిపోయాయి. సర్వదర్శనం క్యూ లైన్ లో ఉన్న భక్తులకు స్వామి వారి దర్శనం 24 గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
హుండీ ఆదాయం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన వారికి మూడు నుంచి నాలుగు గంటల వరకూ శ్రీవారి దర్శన సమయం పట్టే అవకాశముందని అధికారులు వెల్లడించారు. నిన్న తిరుమల శ్రీవారిని 69,383 మంది భక్తులు దర్శించుకున్నారు. వీరిలో 32,391 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.75 కోట్ల రూపాయలు వచ్చిందని తిరుమల తిరుపతి దేవస్థానం అధికారులు తెలిపారు.
Next Story
