Tirumala : శ్రీవారి భక్తులకు గుడ్ న్యూస్.. నేడు తిరుమలకు వెళ్లిన వారికి?

అన్న ప్రసాదాలు, లడ్డూ కౌంటర్ల వద్ద కూడా రద్దీ అంతగా లేకపోవడంతో భక్తులు సులువుగా ప్రసాదాన్ని స్వీకరిస్తున్నారు. భక్తులు సోమవారం నుంచి గురువారం వరకూ తక్కువగానే ఉంటారు. శుక్ర, శని, ఆదివారాలు మాత్రమే రద్దీ ఎక్కువగా ఉంటుంది. ముందుగా ప్రత్యేక దర్శనం టిక్కెట్లు బుక్ చేసుకున్న వారితో పాటు రోజు వారీ ఎస్.ఎస్.డి టోకెన్లు తీసుకున్న వారు తిరుమలకు చేరుకుంటున్నారు. భక్తుల రద్దీ పెద్దగా లేకపోవడంతో లడ్డూల తయారీని కూడా తిరుమల తిరుపతి దేవస్థానం కొంత తగ్గించినట్లు చెబుతున్నారు.

ఈరోజు తిరుమలలో భక్తుల రద్దీ లేకపోవడంతో వైకుంఠం క్యూ కాంప్లెక్స్ లోని కంపార్ట్ మెంట్లలో వేచి ఉండకుండా నేరుగా శ్రీవారిని దర్శనం చేసుకుంటున్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఆరు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనానికి నాలుగు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు గంటల సమయంలో పూర్తవుతుందని అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.55 కోట్ల రూపాయలు వచ్చిందని అధికారులు తెలిపారు.