Tirumala : తిరుమలలో నేడు కూడా భక్తుల రద్దీ అంతగా లేదు.. కారణమిదే
తిరుమలలో భక్తుల రద్దీ ఈరోజు తక్కువగా ఉంది. శనివారం అయినా సరే భక్తుల రాక పెద్దగా లేదు.
తిరుమలలో భక్తుల రద్దీ ఈరోజు తక్కువగా ఉంది. శనివారం అయినా సరే భక్తుల రాక పెద్దగా లేదు. స్వామి వారి దర్శనం సులువుగా పూర్తి చేసుకుని భక్తులు ఆనంద పరవశ్యంలో మునిగితేలుతున్నారు. తిరుమల శ్రీ వెంకటేశ్వరస్వామిని శనివారం దర్శించుకుంటే మంచిదని, శుభప్రదమని భక్తులు విశ్వసిస్తారు. దేశం నలుమూలల నుంచి భక్తులు శనివారం కోసం వెయిట్ చేసి ముందుగా టిక్కెట్లను బుక్ చేసుకుంటుంటారు. తమ మొక్కులు కూడా శనివారం తీర్చుకుంటే మంచిదని భావిస్తారు. తలనీలాలను సమర్పించడం కూడా శనివారం స్వామి వారి చెంతకు చేరుకుంటారు. అలాగే హుండీలో మొక్కులు తీర్చుకోవాలనుకున్నా, తాము గతంలో కోరుకున్న మొక్కులు నెరవేరినా శనివారం నాడు అవి తీర్చుకుని స్వామి వారిని దర్శించుకోవడం మంచిదని భావిస్తారు. అందుకే శనివారం అంటే తిరుమలలో రద్దీ ఎక్కువగా ఉంటుంది. బయట వరకూ క్యూ లైన్ లు కనపడుతూ ఉంటాయి. వసతి గృహాలు దొరకడం కూడా కష్టంగా మారుతుంది.
