Tirumala : తిరుమలలో నేడు కూడా భక్తుల రద్దీ ఎలా ఉందంటే?

ఈరోజు తిరుమల తిరుపతి దేవస్థానం జనవరి నెలకు సంబంధించిన 300 రూపాయల ప్రత్యేక ప్రవేశ దర్శన టిక్కెట్లు విడుదల చేయనుంది. ఉదయం 10 గంటలకు ఆన్‌లైన్‌లో విడుదల చేయనుంది. జనవరి నెలలో సంక్రాంతి సెలవులు ఉంటాయి కాబట్టి ఆన్ లైన్ లో పెట్టిన వెంటనే టిక్కెట్లు హాట్ కేకుల్లా అమ్ముడుపోతాయని తిరుమల తిరుపతి దేవస్థానం అధికారులు చెబుతున్నారు. ఈరోజు తిరుమలలోని వైకుంఠం క్యూ కాంప్లెక్స్ లోని ఏడు కంపార్ట్‌మెంట్లలోనే భక్తులు శ్రీవారి దర్శనం కోసం వేచి చూస్తున్నారు. ఉచిత దర్శనం క్యూలైన్ లోకి ఈరోజు ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుంది. టైమ్ స్లాట్ దర్శనం భక్తులకు నాలుగు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుంది. నిన్న తిరుమల శ్రీవారిని 64,447 మంది భక్తులు దర్శించుకున్నారు. వీరిో 25,555 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.38 కోట్ల రూపాయలు వచ్చింది.