Sat Nov 23 2024 03:35:42 GMT+0000 (Coordinated Universal Time)
తిరుపతిలో భారీ ర్యాలీ
మూడు రాజధానుల అవసరాన్ని చెబుతూ తిరుపతిలో రాయలసీమ ఆత్మ గౌరవ ప్రదర్శన ప్రారంభమయింది.
మూడు రాజధానుల అవసరాన్ని చెబుతూ తిరుపతిలో రాయలసీమ ఆత్మ గౌరవ ప్రదర్శన ప్రారంభమయింది. ఇప్పుడు కాకపోతే ఇంకెప్పుడు అన్న నినాదంతో ప్రారంభమయిన ఈ ప్రదర్శనకు అధిక సంఖ్యలో ప్రజలు హాజరయ్యారు. వైసీపీ ఎమ్మెల్యే భూమన కరుణాకర్ రెడ్డితో పాటు పాటు రాయలసీమ పరిరక్షణ సమితి, మానవ వికాస వేదికలు ఈ ప్రదర్శనలు చేపట్టాయి. రాయలసీమలోని నాలుగు జిల్లాల నుంచి ఈ ర్యాలీకి ప్రజలు హాజరయ్యారు.
రాయలసీమకు...
రాయలసీమకు కొన్నేళ్లుగా అన్యాయం జరుగుతుందని, ఈసారైనా న్యాయం చేయాలని, జగన్ ప్రతిపాదించిన మూడు రాజధానుల ప్రతిపాదనకు మద్దతు తెలిపేందుకు ఈ ర్యాలీని నిర్వహిస్తున్నట్లు ఎమ్మెల్యే భూమన కరుణాకర్ రెడ్డి తెలిపారు. ప్రదర్శన అనంతరం జరిగే బహిరంగ సభలో పలువురు సీమ జిల్లాలకు చెందిన నేతలతో పాటు ప్రొఫెసర్లు, మేధావులు ప్రసంగించనున్నారు. రాయలసీమ అభివృద్ధికి రాజధాని ఏర్పాటు ఒక్కటే మార్గమని వారు నినాదాలు చేస్తున్నారు.
Next Story
